బాలకృష్ణ కొత్త చిత్రం

బాలకృష్ణ, లక్ష్మీరాయ్ జంటగా శ్రీ కీర్తి కంబైన్స్ పతాకంపై పరుచూరి మురళి దర్శకత్వంలో ఎంఎల్ కుమార్ చౌదరి నిర్మిస్తున్న చిత్రానికి సంబంధించిన ఒక షెడ్యూల్ పూర్తయింది.ఈ సందర్భంలో నిర్మాత ఎంఎల్ కుమార్ చౌదరి మాట్లాడుతూ- వైజాగ్‌లో నిర్మించిన భారీ సెట్‌లో 25 రోజులు షూటింగ్ చేశాం. ఇక్కడ వేణుమాధవ్, బ్రహ్మానందం, లక్ష్మీరాయ్‌లపై హాస్య సన్నివేశాలు, రామ్ లక్ష్మణ్ నేతృత్వంలో ఫైట్ సీన్స్ చిత్రీకరించాం. ఇవన్నీ చాలా బాగా వచ్చాయి. మళ్లీ రామోజీ ఫిలింసిటీలో మరో షెడ్యూల్ ప్రారంభిస్తాం. ఈ షెడ్యూల్‌తో చిత్రం పూర్తవుతుంది. మొత్తం ఐదు పాటలను రికార్డు చేశాం. త్వరలో చిత్రానికి సంబంధించిన అన్ని వివరాలు తెలియజేస్తామని తెలిపారు. జయసుధ, కోట శ్రీనివాసరావు, బ్రహ్మానందం, చరణ్‌రాజ్, ఎమ్మెస్ నారాయణ, ఆదిత్య మీనన్ తదితరులు నటిస్తున్న ఈ చిత్రానికి సంగీతం: కల్యాణిమాలిక్, నిర్మాత: ఎమ్‌ఎల్‌కుమార్ చౌదరి, స్క్రీన్‌ప్లే, దర్శకత్వం: పరుచూరి మురళి.